Жаңалықтар
Директор блогы
Култаева Ляззат Муханбетовна
Мектептегі білім
МЕДИА
Фотогалерея
Видео
Нұрлыжол 8 мекенжайы бойынша орналасқан жаңа қосымша ғимараты 600 оқушыға арналған. Бүгінгі таңда мектепте 1023 оқушы оқиды.
“Биылғы жыл біз үшін ерекше, біз мектептің 50 жылдығын атап өтіп жатырмыз. 50 жылдық мерейтойында осындай үлкен және кең мектептің құрылысы аяқталып, оқу процесі басталғаны үлкен нәтиже. Оқушыларды, мұғалімдерді және ата-аналарды осындай үлкен жаңалықпен шын жүректен құттықтаймыз. Бүгінгі таңда оқушылар үшін, сапалы жоғары деңгейде білім алу үшін барлық жағдайлар жасалған. Өз кезегінде қонақтар тұрғындарды мектептің 50 жылдығымен құттықтап, еліміздің қарқынды дамуы мен жетістіктері үшін таңданысын білдірді.
Бүгінгі салтанатты жиынға қатысқандардың барлығына, Астана қаласының әкімдігіне, соның ішінде Астана қаласының білім басқармасына, ҰАК компаниясына алғыс айтқымыз келеді. Мектепте химия, физика және биология пәні бойынша, үлкен спорт залы, кітапхана және пәндік кабинеттер орналасқан.
Жаңа мектеп ғимаратында 24 кабинет және 3 зертхана бар. Біздің мектеп оқу процесіне қажетті барлық заттармен толық жабдықталған. Көркем еңбек кабинеттері бар. Оның ішінде-тігін шеберханасы, аспаздық дағдыларды игеруге арналған ас үй, станоктары бар металл және ағаш өңдеу шеберханасы, 160 орындық асхана, коворкинг аймағы, лингвистикалық кабинеттер және т.б. бар.
Сонымен қатар, мектеп кітапханасында шет елдердің көркем әдебиетін табуға болады.
Оқушыларымыздың «Шахматпен», “Асық”, “Тоғыз құмалақ” ұлттық ойындарымен, спорт секцияларымен қосымша айналысуға мүмкіндігі бар. Біздің мақсатымыз – Балалардың Отанға деген сүйіспеншілігін дамыту , сондықтан олар толерантты және шетелде оқуға мүмкіндік алады, бірақ сонымен бірге өз елінің патриоттары болып қала береді.
@akimat__astana @almaty_audany @bilimastana
Таяуда, «Ата-ана ұлағаты-ұрпаққа аманат» атты күрделі тақырыпта Астана қаласы әкімдігі «№ 44 орта мектеп» КММ-де үлкен іс-шара өткізілді. Бұл игі шараның мақсаты- оқушыларға ата-бабадан қалған асыл мұраларды дәріптеу, қазақтың ұлттық салт-дәстүрін көрсету, өз еліне, жеріне деген патриоттық сезімін ояту, ана тіліне, әдет-ғұрпына сүйіспеншілікті арттыру.
Жұрт жинала бастаған кезде мектептің домбыра ансамблі Ә.Желдібаевтың «Ерке сылқым» күйін машығына келтіріп орындап жатты. Мектептің акт залында кәдімгідей жинақталған қазақтың үйі, ондағы жиһаз көрген адамның көз жауын алады. Үйдің ортасындағы қазақтың қадірлі тағамдары қойылған дөңгелек столдың басына, дастарқанның қасына бір жанұя мүшелері орныққан. Жас бала жүгіріп келіп, жақсы жаңалықты жеткізеді. Оқиға осылай өрбиді.
Жақсы жаңалыққа баршалары қуанып, көрші қолаң жиналып, шашу шашылып, той басталып кетеді. Сол жерде үлкен әжелер немерелерін қазақтың ұлттық өнерімен, дәстүр-салтымен таныстырады: жүн түтіледі, киіз басылады, ұршық иіріледі, тары түйіледі, самаурын қайнайды, қымыз бен шәй ішіледі. Сахнада бір бала атасынан үйренген «Асық ату» ойынын басқа балаларға үйретіп жүр. Қазақтың ұлттық айтыс дәстүрі, қазақтың халық әндері мен билері де қалыс қалмайды. Үлкендерге ілесіп жас балалар да өз өнерін аямай көрсетіп жатыр. «Үйренгенің өзіңе жақсы, істегенің маған жақсы» деп, баяғыда әжелер ұрпағына бекер айтпаған шығар. Үлкендерден қалған ұлағат жастарға да дарып жатқан секілді. Осынау бір қырық минутқа созылған сахналық бағдарлама балаларды ғана емес үлкендерді де ауыл өміріне жетелеп әкетті.
Жаңалық демекші, осы мектептің жаңа үйі салынып, бітіп қалса керек. Сол қуаныш сахналық көрініске арқау болып, қуаныш-қуанышқа ұласты. Тағы бір күшті сезім – сахнаның қабырғасында үлкен әріптермен жазылған «Рақымжан ауылы» деген сөз. Бұдан білгеніміз – «Интернациональный» деп аталатын шаруашылық учаскесінің тұрғындарының ауылдарына батыр ағамыз Рақымжан Қошқарбаевтың есімінің берілуін қалайтындары. Ол мәселе де шешіліп жатқан көрінеді. Бұл да жақсылықтың нышаны. Батыр ағамыздай батыр ұлдар өсе берсін!
Осынау іс-шараға балалар мен ұстаздар бірігіп, бір үйдің адамдарындай татулық пен қызығушылықты, өз ара сыйластықты да тамаша бере алған. Әрбір айтылған сөз, әрбір іс-қимыл шынайы көрініс тапқан. Ата-баба өсиеттері, инабатты тәжірибелері сөзбен ғана емес қимылмен, уағызбен сахна көрінісінде өмірдегідей әсер беретіндей дәрежеге жеткен. Бұл да үлкен еңбектің жемісі. Оған ешкімнің күмәні болған жоқ.
Осынау тәрбиелік мәні зор шараға «Алматы» ауданы әкімінің орынбасары Н.Абдраимов, бас инспектор А.Панжеев, «Алматы» ауданы ардагерлер Кеңесінің төрағасы М.Мұстафин, «Алматы» ауданы ардагерлер Кеңесінің мүшесі Е.Айдарбек, 87 жастағы қарт ана Е.Исабаева және осы шараның жақсы өтуіне бас-көз болып жүрген , «Қайсар» бастауыш ардагерлер ұйымының төрайымы М.Қоразова және сол жердің көне көзкөрген ақсақалы К.Нұрланов қатысты.
«Алматы» ауданы ардагерлер Кеңесінің төрағасы Марат Кәрімұлы сөйлеген сөзінде:
– Мектеп ұжымы өткізіп отырған бұл іс-шараның маңызы тереңде жатыр. Ғасырлар бойы халқымызда жинақталған салт-дәстүрлер мен ұлағатты өнеге біздер үшін аманат. Олай болса сол аманатты жастарға жеткізу, түйсіктеріне сіңіру, үйрету мына біздердің басты мақсатымыз болуға тиіс. Мына бір терең мағыналы, ұлағаты мол іс-шара бір мектеп аясында қалып қоймай, Астанамыздың барлық мектептерінде өткізілетін болса құба-құп болар еді. Айта кететін жағдай, бастауыш ардагерлер ұйымын жиырма жылдан астам уақыт басқарып отырған, құрметті ардагер анамыз Майра Әлімханқызының осы бағытта – жастарға тәрбие беру жолында атқарып жүрген еңбегі ұшан-теңіз. Алдағы уақытта да біздердің осындай ардақты қарияларымыз жас ұрпақты тәрбиелеу мәселелеріне жіті араласады деген зор сенімдеміз, – деді.
Сөз соңында «Алматы» ауданы ардагерлер Кеңесінің төрағасы Марат Кәрімұлы осындай игі істі өткізіп, жұртты риза еткен мектеп директоры Ләззат Мұханбетқызы Құлтаеваға ардагерлер Кеңесі атынан «Алғыс хат» табыс етті.
Бұдан кейін шығып сөйлеген Астана қаласы «Алматы» ауданы әкімінің орынбасары Нұрмат Хамидоллаұлы да ізгі шараның құндылығына тоқталды. Бала тәрбиесі бастапқыда жанұяда басталып,мектептерде жалғасатынын айта келіп, ұстаздардың жанқиярлық еңбектерінің жемісі қашанда жақсы атқарылған іс-шаралардың нәтижесінен көрінетінін айтты. Сондай-ақ, Астана қаласы әкімдігі тарапынан «№ 44 орта мектеп» КММ ұжымы ұстаздарының еңбектеріне жеміс тілеп, алдағы уақытта да көптеген биіктерден көріне берулеріне тілектестігін білдірді.
Бұдан кейін Нұрмат Хамидоллаұлы «Алматы» ауданы әкімі атынан осы мектептің тәрбие ісі жөніндегі директордың орынбасары Ә.Әбуова, ардагер ұстаз Б.Достығалиев, бастауыш сынып мұғалімдері Қ.Аманқұл, М.Дәуей, С.Жакешеваларды «Алғыс хатпен» марапаттады. Оқушыларға баспадан жаңа шыққан Абайдың «Қалың елім, қазағым..» атты жаңа жинағын табыс етті.
Келден Ғалиұлы ақсақал мектеп ұжымының іскер жұмыстарына ризашылығын білдіріп, алғысын айтты. Сонымен қатар, мектеп балаларын еңбекке баулу қажет екенін еске салды. Ол кісінің сөзінен ұққанымыз: кезінде осы маңайда үлкен бау-бақша болыпты, сонда балалар жеміс отырғызып, оларды күтіп, тіпті жинауға да араласады екен. Еңбекпен өскен бала жаман болмасы баршамызға белгілі.
Майра Әлімханқызы мектеп ұжымының қолы жеткен жетістіктеріне тоқталып, алдағы уақытта да алдыңғы қатардан көріне берулеріне тілектестігін білдірді. Жаңадан салынған мектептің ашылу сәтіне қуанышпен қатысатынын жеткізді. Елдің ардақты анасы балалардың қуанышына қуанып, жас ұрпақтың амандығын тіледі.
Қарт ана Елен Әбішқызы, осы мектептен барлық балалары мен немерелерінің тәлім алғанын айтып, мақтанды. Олар бұл күндері үлгілі, тәрбиелі азамат болыпты. Білімдері де ешкімнен кем болмаса керек. Алдағы уақытта шөберелерінің де осы жерде оқып, білім алатынына күмән келтірмейді екен. Мектеп ұстаздары мен оқушыларына абырой тілеп , алғысының шексіз екенін жеткізді.
«Тілім барда қазағым бар, халқым бар,
Дәстүрі бар, ата жолы салтым бар.
Туған тілде сыры терең жаным бар,
Туған тілде әнім менен сәнім бар» – демекші,
жиналған қауым мектеп ұжымы мен оқушыларға айтылған жылы лебіздерге риза болды. Мектеп ұстаздары мен оқушы балалардың қуанышыны жақсы ән-жырға, назды әуенге, биге ұласты.
Баянды ӘЛПИ, «Алматы» ауданы ардагерлер Кеңесінің мүшесі
Құрметті болашақ бірінші сынып оқушыларының ата-аналары!
1 сәуірден бастап балаларды 1 сыныпқа қабылдау жүргізіліп жатқанын білесіздер. Соған орай, бірінші сыныпқа өтініштерді қабылдаудың аяқталуына санаулы күндер қалғанын естеріңізге салғым келеді.
Яғни, 31 шілде құжат тапсырудың соңғы күні. Сол себепті де, асығуларыңызды сұраймын.
1 сыныпқа құжаттарды электронды түрде, eGOV.kz порталы арқылы тапсыруға болады.
1 сыныпқа 6 жастағы балалар қабылданады.
Сонымен қатар, 31 желтоқсанға дейін алты жасқа толатын балалар да бірінші сыныпқа бара алады.
Қандай құжаттар қажет?
• Ата-ананың өтініші (электронды түрде беріледі)
• Туу туралы куәлік (электронды түрде беріледі)
• Баланың денсаулық паспорты (026/у-3 нысаны)
• Егу паспорты (065/у нысаны)
• Баланың суреті (3*4 өлшемді)
Қосымша сұрақтарыңыз болса, 8 (7172) 50 – 68- 09 нөмеріне хабарласуларыңызға болады.
9 сынып оқушыларына негізгі білім курсын аяқтаудағы аттестат тапсыру
1973 жылы мектеп ашылған кезде бірінші сыныпқа келді
Естеліктермен бүгін 40 жылдан кейін келіп, алғыс сөздерін білдірді!
Олар мектептің қазіргі директорымен бірге аспанға шарларды ұшырып, барлығына сәттілік тіледі!
Әдіскер білімі мен тәжірибесінің арқасында әр түлектің психологиялық денсаулығын сақтау үшін көптеген пайдалы кеңестермен бөлісті. Психологиялық кеңестері білім алушыларға ғана емес, мұғалімдер, ата-аналар және де мектеп психологтарына да пайдалы болды. Мектеп жанынан ұйымдастырылған жазғы сауықтыру лагерінің қатысушыларына жазғы демалыстарын сәтті өткізуіне тілек білдіріп, жақсы көңіл-күй сыйлады.
День Победы – общий праздник тысяч поколений. Этот праздник останется знаком, доказывающим вечное творчество мира и милосердия, величие солдат и офицеров, защитивших Родину, и бессмертие фронтовиков, приближавших Победу.
В те страшные годы казахский народ доказал свой сыновний долг и национальную гордость за свою Родину и землю.
Мужество и самоотверженность наших бабушек и дедушек, их безграничная любовь к Родине – это не только гордый пример для нынешнего поколения казахстанцев, но и считаю высокой нравственной основой духовного развития и национального возрождения общества, связывающего несколько поколений.
День Победы – это праздник нашей чести и славы.
9 мая – это не только праздник, это героизм народа, это мужественный труд на пути к победе с самопожертвованием.
Наш гражданский долг – навсегда запомнить этот день, любить Родину, быть верными детьми своей страны.
Бейнегалерея
Мемлекеттік рәміздер
